Futbollisti i kombëtares portugeze, Nani i ka porositur tifozët e Manchester United se ai është futbollist, i cili mund të zëvendësojë denjësisht bashkëlojtarin e tij të kombëtares, Cristiano Ronaldo, i cili në edicionin e ardhshëm do të luajë në fanellën e Realit.
"Mendoj se tash do të kem më shumë rast për të luajtur. Cristiano ishte një lojtar shumë i rëndësishëm për Manchester Unitedin, por tash edhe unë mund të tregojë vlerën time dhe se do të më jepet më shumë besim. Cristiano ka luajtur shkëlqyeshëm në Manchester, prandaj edhe e ka merituar një transfer të tillë. Kjo është një shifër fantastike dhe vlera e vërtet për të gjitha ato që ai i ka bërë. Real Madridi është klub i madh dhe jam i bindur se atje Cristiano do të ndihet mirë. Mungesa e Cristianos nuk është e pamundur për t'u zëvendësuar. Ai do t'i mungojë Manchester United, por klubi ynë ka edhe futbollistë tjerë, të cilët mund ta zëvendësojnë", ka theksuar Nani.